Tariki 27 mata 2025, nibwo ikipe ya Etincelles FC izakira ikipe ya Rayon Sports mu karere ka Rubavu kuri Sitade Umuganda.

Ni umukino ikipe ya Rayon Sports igiye gukina iri ku mwanya wa mbere n’amanota 50 naho ikipe ya  Etincelles FC iri ku mwanya wa 8 n’amanota 29.

Ikipe ya Etincelles FC iheruka kunganya n’ikipe ya APR FC ndetse ubuyobozi bwayo buvuga ko bwiteguye no kwitwara neza imbere ya Rayon Sports.

Ikipe ya Rayon Sports igiye gukina uyu mukino iheruka gutsinda ikipe ya Muhazi United ibitego 2-0 ndetse iza no kunganya na Mukura VS igitego 1-1 mu mukino ubanza wa 1/2 w’igikombe cy’Amahoro.

Ikipe ya Etincelles FC izakira uyu mukino yashyize hanze ibiciro byo kwinjira kuri uyu mukino uzaba utoroshye kuri iki cyumweru.

Ahasanzwe ikipe ya Etincelles FC yahagize ibihumbi 3, ahatwikiriye hagizwe ibihumbi 5, muri VIP hagizwe bihumbi 20 ndetse n’ibihumbi 30 muri VVIP.