Mu gihe amatora yakorwaga ku wa 29 Ukwakira 2025, mu mijyi itandukanye ya Tanzania habaye imyigaragambyo ikomeye. Abigaragambya bari bafite umuhate wo kugaragaza kutanyurwa n’uburyo bamwe mu batavuga rumwe na Leta babujijwe kwiyamamaza.

 Mu mujyi wa Dar es Salaam ho hatangajwe ko hari abantu benshi bitabiriye imyigaragambyo kuva ku munsi wa mbere w'amatora kugeza uyu munsi, aho bari gutwika amazu, amamodoka, n'ibiro bya leta harimo n'ibya police. Leta ya Tanzania yashyizeho ibihe bidasanzwe(curfew) ndetse yohereza ingabo mu bice bimwe na bimwe bya Tanzania. 

Samia Suluhu Hassan watsinze amatora ni muntu ki??

Samia Suluhu Hassan yavutse ku itariki ya 27 Mutarama 1960, mu mugi wa Makunduchi uri ku kirwa cya Zanzibar, yize amashuri atandukanye: nyuma yo kurangiza amashuri yisumbuye mu 1977, yakomereje muri kaminuza zitandukanye, ahakura impamyabushobozi mu Buyobozi n’Imibereho y’Abaturage, ndetse na Masters mu Iterambere ry’Ubukungu.

Yatangiriye akazi ka leta muri Zanzibar, nyuma agirwa umuyobozi  muri gahunda mpuzamahanga nka World Food Programme. Mu 2000, yatangiye byeruye urugendo rwe muri politiki ndetse abona intebe mu nteko ishinga amategeko ya Tanzania nk'uhagarariye Zanzibar, yaje kuba Minisitiri w’Urubyiruko n'Abagore mu ntara ya Zanzibar, yabaye kandi Minisitiri muri Zanzibar muri manda ya 2005–2010, mbere yo kwinjira muri politiki y’Igihugu cya Tanzania. Mu 2010 yatorerewe kuba Umudepite (MP) mu mujyi wa Makunduchi, akomeza kwinjira mu buyobozi bwa leta ndetse akaba Minisitiri d'etat  w’Ibihugu byombi (“Union Affairs”) kugeza mu 2015

Mu mwaka wa 2015 yatoranyijwe kuba Vice‐President mu ishyaka ryitwa Chama Cha Mapinduzi (CCM), ari na bwo yatorewe kuyobora igihugu nyuma y'urupfu rwa Perezida John Magufuli mu 2021. Yabaye Perezida wa Tanzania kuva ku itariki ya 19 Werurwe 2021, akaba ari we mugore wa mbere wayoboye icyo gihugu cya Tanzania. 

ku ruhande rwa Samia Suluhu Hassan n'ishyaka rye rya Chama Cha Mapinduzi ni intsinzi ikomeye cyane kuba umugore abaye Perezida kandi akaba afite amajwi menshi. Ariko ku rundi ruhande hari impungenge z’uko amajwi ya 97,66% yabonetse mu buryo butavugwaho rumwe ndetse  imyigaragambyo ikomeje kuba muri Tanzania ikaba ishobora gukomeza

Samia Suluhu Hassan yotowe nka perezida wa Tanzania

Imyigaragambyo muri Tanzania irakomeje kubera abatifuza ko Samia Suluhu Hassan yakomeza kuyobora iki guhugu