Amakuru agera kuri UKWELITIMES,avuga ko iyi mibiri yabonetse ahantu hatandukanye hakikije ahahoze Centrale ya Gitete ahari harahungiye Abatutsi benshi muri kariya gace.

Ubuyobozi bw'Akarere ka Rulindo, buvuga ko hakiri impungenge z'uko hashobora kuba hari indi mibiri ikiri hirya no hino, buboneraho gusaba abaturage gutanga amakuru y'aho bayikeka kugira ngo ishakishwe igshyingurwa mu cyubahiro.

Abatuye muri aka Karere, bavuga ko kuba nyuma y’imyaka 31 hakigaragara imibiri itarashyingurwa ari kimwe mu bikidindiza gahunda y'ubumwe n’ubwiyunge.

Amakuru avuga ko hari abantu batanu batawe muri yombi bakurikiranyweho kumenya iby’iyo mibiri bakabihishira.

UKWELITIMES,yahamagaye Umunyamabanga Nshingwabikorwa w'Umurenge wa Ngoma kuri telefone ye ngendanwa kugira ngo atange amakuru yimbitse kuri iyi mibiri ariko ntiyabasha kunoneka.