Kinyarwanda
English
Swahili
Afurika: Abarenga 62 batawe muri yombi mu bikorwa byo kurwanya ibyaha n’iterabwoba
Mu gikorwa gikomeye cy’ubugenzuzi bwakozwe na INTERPOL, umuryango mpuzamahanga w’abapolisi ugamije gufasha ibihugu guhana amakuru no gukurikirana ibyaha byambukiranya imipaka, cyakorewe muri Afurika y’Uburengerazuba, abarenga 62 bafatanywe intwaro, ibisasu, ibiyobyabwenge, imodoka zanyerejwe n’imiti itujuje ubuziranenge.
Iki gikorwa cy’ubugenzuzi bwo kurwanya magendu cyiswe “Operation Screen West Africa 2025”, cyabaye kuva muri Nyakanga kugeza Ukwakira uyu mwaka, kikaba cyari kigamije kurwanya magendu ndetse no guhosha ibikorwa by’iterabwoba mu bihugu 12 byo mu karere ka Afurika.
Nk’uko byatangajwe ku rubuga rwa INTERPOL kuri uyu wa gatatu tariki ya 19 Ugushyingo, ni uko abantu icyenda bo mu bihugu byo muri Afurika y’Uburengerazuba barimo batandatu bo muri Mauritania ndetse na batatu b’abanya-Burkina Faso bavugwaho gukorana bya hafi n’umutwe w’iterabwoba wa JNIM ukunze kugaba ibitero bikomeye muri Côte d’Ivoire bafashwe bazira icuruzwa ry'abantu, gucuruza imiti itujuje ubuziranenge n’intwaro.
21 bo muri Ghana nabo muri iryo genzurwa bahamijwe ni ibyaha by’icuruzwa ry’abantu bakurwaga muri Nigeria bakajyarwa i Burayi mu bucakara, ndetse ko abo banya-Ghana bafatanwe imodoka 136 zinyibano, kilograms 731 zi miti itemewe ndetse n'impapuro mpimbano z’ubucuruzi bakoreshaga mu buriganya.
Icyo gikorwa cy’ubugenzuzi cyo kurwanya magendu cyafatiwemo kandi amato ya koreshwaga mu gutwara bimwe mu bikoresho byasahurwaga mu bihugu bimwe na bimwe byo muri Afurika y’Uburengerazuba.
Umuyobozi uhagarariye Serivisi z’umutekano muri INTERPOL Cyril Gout, yavuze ko ibi bikorwa bizakomeza gukorwa hagamijwe kurwanya ibikorwa by’ubugizi bwa nabi beshi bakunze no kuburiramo ubuzima muri Afurika.
Ibi bibaye mu gihe beshi mu batuye Afurika bagiye bataka ko hari abantu bacuruzwa bagajyanwa mu bihugu byo hanze yayo bagakorerwa ihohoterwa, abandi bagakoreshwa mu bucakara beshi baburiyemo ubuzima.
