Mu ijoro ryo ku wa kane tariki 15 Gicurasi 2025, ikipe ya FC Barcelona yatwaye igikombe cya shampiyona ya Esipanye sezo ya 2024/2025.

Ni igikombe ikipe ya FC Barcelona yatwaye itsinze ibitego 2-0, umucyeba basangiye Intara imwe ya Catalonia yitwa Espanyol FC. Ikipe ya FC Barcelona yatsindiwe na Lamine Yamal ndetse na Fermin Lopez.

Iki gikombe FC Barcelona itwaye, ni icya 28 bivuze ko irushwa ibikombe 8 na Real Madrid ifite ibikombe byinshi ku mugabane w’i burayi.

Nyuma yo gutwara iki gikombe cya shampiyona, ikipe ya Real Madrid yashimiye iyi kipe mu buryo bukomeye.

Mu magambo yanyujije ku mbuga nkoranyambaga zayo yagize iti “ Turabashimiye FC Barcelona ku gikombe cya shampiyona mutwaye.”

Nubwo FC Barcelona yashimiwe na Real Madrid ariko nayo umwaka ushize ibi yarabikoze ubona ko ikipe nubwo zihanganye ariko zirubahana kandi cyane.

Ikipe ya FC Barcelona uyu mwaka wayibereye mwiza kuko usibye iki gikombe cya shampiyona, yanatwaye igikombe cy’igihugu( Copa Del Rey) ndetse na Super Cup kandi hose yatsindaga Real Madrid iyirusha cyane.

Real Madrid yashimiye FC Barcelona yatwaye igikombe cya shampiyona 

FC Barcelona umwaka ushize nayo yarabikoze