Reka duhere amakuru yacu y’imikino mu ikipe ya Police FC

Ikipe ya Police FC yakomeje imyitozo y’itegura umwaka w’imikino ugiye kuza. Ni imyitozo irimo gukoreshwa na Ben Moussa. Imyitozo yakozwe ku wa kabiri tariki ya 8 Nyakanga 2025, yagaragayemo kwitonda Alain Bacca uherutse gutandukana na APR FC.

Amakuru twamenye nuko ubuyobozi bwa Police FC kugura Bacca byagizwemo uruhare n’umutoza Ben Moussa bijyanye n’uko babanye muri APR FC ndetse azi ubushobozi bwe.

APR FC yakomeje imyitozo

 Ku wa kabiri tariki 8 Nyakanga 2025, ikipe ya APR FC yakoze imyitozo yitegura saison ya 2025-2026. Muri iyi myitozo hagaragayemo rutahizamu mushya witwa William Togui Mel.

Ikipe ya APR FC itegereje Memel Dao ndetse na Ronald Ssekiganda uri mu ikipe y’igihugu ya Uganda y’abakina imbere mu gihugu.

Rayon Sports yakoze ikiganiro n’itangazamakuru, ndetse yakira rutahizamu mushya.

Kuri uyu wa Gatatu tariki 9 Nyakanga 2025, ikipe ya Rayon Sports yakiriye umukinnyi mushya uje avuye muri Motema Pembe yo muri Repubulika Iharanirana Demokarasi ya Congo, witwa Chadrack Bello Bingi.

Uyu mukinnyi iyo usomye ibyandikwa mu gihugu cya Congo, ubona ko yari umukinnyi mwiza ndetse yigeze gushakwa na Heart of Aok yo mu gihugu cya Ghana.

Uyu mukinnyi yasinye muri Rayon Sports amasezerano y’imyaka 2.

Ikipe ya Rayon Sports yakoze ikiganiro n’itangazamakuru ku wa kabiri tariki 8 Nyakanga 2025. Ni ikiganiro cyarimo abayobozi b’iyi kipe barimo Muvunyi Paul ndetse na Twagirayezu Thadee.

Mu kiganiro aba baybozi bakoze bagarutse ku magambo yavuzwe na Chairman w’icyubahiro wa APR FC, Afande Mubarakh Muganga, wavuze ko Rayon Sports ihora ibahumekera mu bitugu.

Thadee yavuze ko aho guhitamo guhumekerwa mu bihugu ahubwo waza imbere ye akakubona ndetse ko bazaguma babashyiraho igitutu.

Mu bindi byavuzwe harimo abakinnyi iyi kipe igiye kongere mu bo ifite ndetse uwa mbere yamaze kuhagera.

Musanze FC nayo yagiye ku isoko

Ikipe yo mu karere ka Musanze, Musanze FC biravugwa ko igiye gusezerara abakinnyi batari bacye kugira ngo ibone kogeramo abandi.

Iyi kipe kandi amakuru ahari avuga ko yamaze kubona umutoza mushya watozaga Muhazi United, Ruremesha Emmanuel. Ruremesha Emmanuel yatandukanye na Muhazi United nyuma y’urugendo rw’imyaka 2 yamaranye nayo ariko bikarangira imanutse mu cyiciro cya kabiri.

Ruremesha Emmanuel aravugwa muri Musanze FC 

Kwitonda Alain Bacca yatangiye imyitozo muri Police FC 

Chadrack Belo Bingi yasinyiye Rayon Sports