Ni imikino yatangiye ku isaha ya saa Kumi n'ebyiri na 45 z'umugorobo hakinwa imikino 2 irimo uwahuje Club Brugge yatsinze AS Monaco ibitego 4-1 ndetse n'uwahuje Copenhagen yanganyije na Bayern Leverkusen ibitego 2-2.

Ku isaha ya saa tatu z'ijoro nibwo hari hategerejwe imikino ikomeye irimo uwahuje FC Barcelona warangiye itsinze Newcastle United ibitego 2-1.

Ni ibitego bibiri byatsinzwe na rutahizamu Manchester United yatije FC Barcelona witwa Marcus Rashford. Igitego cya mbere yagitsinze ku munota wa 58 ahawe umupira na Jules Kounde ndetse n'icyo yatsinze ku munota wa 67. Igitego kimwe rukumbi cya Newcastle United cyatsinzwe na Anthony Gordon.

Undi mukino wari itegerejwe ni uwahuje Manchester City yatsinzemo Napoli FC ibitego 2-0. Ibi bitego bya Manchester City byatsinzwe na Erling Halaand ku munota wa 56 ndetse na Jeremy Doku watsinze igitego ku munota wa 67.

Igitego Erling Halaand yatsinze kuri uyu mukino cyahise kiba igitego cya 50 amaze gutsinda mu mikino ya UEFA Champions League. Ibi bitego harimo ibyo yatsinze agikina muri Borussia Dortunond.

Indi mikino yaraye ibaye harimo uwo Galatasaray yatsinzwemo na Eintrancht Frankfurt ibitego 5-1 ndetse n'uwo Sporting CP yatsinzemo Kairat Almaty ibitego 4-1.

Iyi mikino yari iy'umunsi wa mbere ya UEFA Champions League Saison 2025-2026, yatangiye ku wa Kabiri tariki 16 Nzeri 2025.

Marcus Rashford yaraye ahetse FC Barcelona 

Erling Halaand yujuje ibitego 50 muri UEFA Champions League