Kinyarwanda
English
Swahili
Perezida wa Sena y’u Rwanda yahuye n’abayobozi ba za Sena za Maroc na Pakistan
Ku ruhande rw’Inama Mpuzamahanga y’Abasenateri (ISC2025), Perezida wa Sena y’u Rwanda, François Xavier Kalinda, yagiranye ibiganiro ku giti cye n’abayobozi b’inteko zishinga amategeko bo mu bihugu bya Maroc na Pakistan.
Mu biganiro bye na Mohamed Ould Rachid, uyobora Inama Nkuru y’Abajyanama (House of Councillors) mu Bwami bwa Maroc, ndetse na Yusuf Raza Gillani, Perezida wa Sena ya Pakistan, baganiriye ku buryo bwo gukomeza gushimangira ubufatanye hagati y’inteko zishinga amategeko z’ibyo bihugu.
Aba bayobozi bagarutse ku kamaro k’ubufatanye mu guteza imbere imiyoborere myiza, ubucuti hagati y’ibihugu no guhanahana ubunararibonye mu rwego rw’ubucamanza n’ishyirwaho ry’amategeko.
Iyi nama mpuzamahanga y’Abasenateri (ISC2025) yitabiriwe n’abayobozi batandukanye b’inteko zishinga amategeko bo hirya no hino ku isi, igamije gushimangira imikoranire hagati y’abagize Sena mu guharanira amahoro, iterambere n’imiyoborere ishingiye ku bunyangamugayo.
