Umunyamabanga wa Leta Zunze Ubumwe z'Amerika ushinzwe ububitsi Scott Bessent yasobanuye ko bakuriyeho Ubushinwa imisoro. 

The Guardian yanditse ko guhera ku ya 1 Ugushyingo 2025 ibicuruzwa byo mu Bushinwa ntibizongera gushyirirwaho imisoro ya 100% nk'uko byari bimaze iminsi. 

Ayo makuru agiye hanze nyuma y'uko Perezida Donald Trump yitabiriye ihuriro ry'ibihugu byo muri Aziya yabereye muri Malaysia yasojwe ku wa 27 Ukwakira 2025.

Ubushinwa busobanura ko ibyo bihano byadindije ubucuruzi bw'amabuye y'agaciro akoreshwa mu ndege z'intambara,telefone n'imodoka z'amashanyarazi. 

Mu bindi byitezwe ni ukuganira ku igurwa rya TikTok ku kayabo ka miliyali $14 . Abashinwa ba nyiri ByteDance ifite TikTok bazasigarana 20% naho Abanyamerika bagure imigabane ya 65%.

  Perezida Donald Trump azanagira umwanya wo kuganira na Xi Jinping ku kwigenga kwa Taiwan cyangwa se kuba icyo kirwa cyakomekwa ku Bushinwa.