Kinyarwanda
English
Swahili
Perezida Kagame na Madamu Jeannette Kagame bifatanyije n’abaturage muri Car Free Day
Mu gitondo cyo ku wa 22 Gashyantare 2026, Perezida wa Repubulika y'u Rwanda Paul Kagame na Madamu Jeannette Kagame bifatanyije n’ibihumbi by’abaturage mu gikorwa ngarukakwezi cya Car Free Day, bagakorera siporo hamwe n’abatuye umujyi wa Kigali mu rwego rwo guteza imbere ubuzima bwiza, ubumwe n’imibereho ishingiye ku gukora siporo.
Iki gikorwa kiba kabiri mu kwezi, kigamije gushishikariza abaturage kwita ku buzima bwabo binyuze mu myitozo ngororamubiri, kugenda n’amaguru no gutwara amagare, aho imihanda imwe n’imwe iba yafunzwe ku binyabiziga.
Perezida Kagame na Madamu Jeannette Kagame bagaragaye bakorana imyitozo n’abaturage batandukanye barimo urubyiruko, abakuze n’abana, bigaragaza ko siporo atari iy’icyiciro runaka ahubwo ari iy’Abanyarwanda bose.
Car Free Day imaze kuba umuco mu Mujyi wa Kigali, aho usanga buri kwezi yitabirwa n’imbaga y’abaturage, abayobozi batandukanye ndetse n’abafatanyabikorwa mu rwego rw’ubuzima. Iki gikorwa kandi gifasha mu kugabanya ihumana ry’ikirere no guteza imbere imibereho irambye.
