Amakuru yacu y'imikino reka tuyahere mu mikino y'amboko

Ku wa Gatandatu tariki 2 Kanama 2025, ikipe y'igihugu y'abato mu bahungu ndetse n'abakobwa mu irushanwa rya Tenis ntabwo byagenze neza kuko zatsinzwe. Ikipe y'igihugu y'u Rwanda mu bahungu yatsinzwe n'u Burundi amaseti 2-1 naho abakobwa batsindwa na Ethiopia amaseti 3-0. Ni mu irushanwa rihuza abana bato babarizwa mu bihugu bya Afurika y'iburasirazuba.

Ku wa Gatandatu tariki 2 Kanama 2025, hasojwe iserukiramuco rya Giant Of Africa ryari riri kubera hano mu Rwanda ku nshuro ya Kabiri. Ikipe y'igihugu y'u Rwanda y'abato yatsinze ikipe y'igihugu ya Senegal amanota 27 kuri 24. Ni umukino wabaye mu Ijoro ryo ku wa Gatanu.

Perezida Paul Kagame ari kumwe na Masai Ujiri basuye ikigo cy'urubyiruko cya Nyamirambo kuri Club Rafiki mu gufungura irerero ry'abana bato barenga 50 barimo gutozwa umukino wa Basketball.

Ku cyumweru Kandi umukinnyi w'umunyarwandakazi ukina irushanwa ry'Amagare, Nirere Xaverine, yatwaye Tour de Windhoek 2025 akoresheje amasaha 7 n'iminota 18 n'amasegonda 42. Ni irushanwa ry'Amagare rikinirwa muri Namibian. Undi munyarwandakazi waje hafi yabaye uwa 18 witwa Nzayisenga Valentine.

Amakuru yacu reka tuyakomereze mu mupira w'amagaru 

Ku cyumweru tariki 3 Kanama 2025, ikipe y’igihugu y’Abakobwa batarengeje imyaka 20 yatangiye umwiherero wa mbere wo kwitegura kuzakina na Nigeria mu guhatanira kuzitabira imikino ya nyuma y’Igikombe cy’isi muri icyo cyiciro. Uyu mwiherero uzasozwa tariki 09/08/2025.

Ku cyumweru kandi mu bakunzi b'umupira w'amaguru mu Rwanda, bashenguwe n'urupfu rwa Mukanemeye Madeleine. Ni umukecuru wari ukuze cyane ariko wafanaga Mukura Victory Sports mu buryo bukomeye ndetse n'ikipe y'igihugu y'u Rwanda Amavubi.

Ku cyumweru tariki 3 Kanama 2025, APR FC yatsinzwe umukino wa mbere wa gishuti na Police FC uba uwa 3 itabashije gutsinda muri 5 imaze gukina. Ni umukino watangiye ku isaha ya saa cyenda z'amanwa kuri Kigali Pele Stadium.

Muri uyu mukino, Police FC yagerageje gukina neza bitandukanye n'ibyari bisanzwe ndetse iza kubona ibitego 2 byatsinzwe na Ani Elijah ndetse n'igitego Niyigena Clement yitsinze. Igitego kimwe rukumbi APR FC yatsinze n'icya Nshimirimana Yunusu.

Indi nkuru ikomeye yavuzwe cyane ni inkuru ya gapapu yatewe na Rayon Sports itwarwa umukinnyi witwa Mengue Chancelor Ndong wagiye muri Gorilla FC nyuma y'ibyumweru birenga 2 arimo gukora igeragezwa mu Nzove.

Avugwa kuri Afurika 

Amakuru yo muri Afurika reka tuyahere mu gikombe cy'Afurika cy'abagore cya Basketball cyaraye gitwawe na Nigeria ihigitse ikipe y'igihugu ya Mali ku manota 78 kuri 64.

Yanga Africans ikina shampiyona ya Tanzania yatangaje ko yasinyishije abakinnyi 2 barimo Ecua Celestine ndetse na Mohamed Doumbia.

CHAN 2024, yatangiye

Ku wa Gatandatu ku isaha ya saa Moya z'ijoro, Ikipe y'igihugu ya Tanzania, yitwaye neza itsinda ikipe y'igihugu ya Burkina Faso mu mukino wabanjirijwe n'ibirori byiza cyane.

Iki gikombe cya Afurika cy'abakina imbere mu bihugu byabo, cyakomeje no ku cyumweru tariki 3 Kanama 2025, ikipe y'igihugu ya Repubulika iharanira Demokarasi ya Congo itsindwa na Kenya igitego 1-0.

Indi mikino yabaye harimo uwahuje ikipe y'igihugu ya Marocco na Angola urangira Marocco ibonye intsinzi y'ibitego 2-0. Ikipe y'igihugu ya Mauritania kandi yanganyije na Madagascar 0-0 mu mikino wazo wa mbere.

Mu gihugu cya Tunisia hakomezaga igikombe cya Super Cup cyagombaga guhuza Stade Tunisien ndetse na Esperance De Tunis. Ni igikombe cyatwawe na Esperance De Tunis nyuma yo gutsinda igitego 1-0. Stade Tunisien isanzwe ikinamo Mugisha Bonheur wamaze kwerekeza muri Al Masry yo mu Misiri.

Avugwa ku mugabane w'i Burayi n'ahandi 

Amakuru yacu reka tuyakomereze mu gihugu cy'Ubwongereza aho Chelsea FC yamaze gusinyisha umukinnyi ukiri muto uvuye muri Ajax witwa Jorrel Hato. Uyu musore ukina nka myugariro yaguzwe Milliyoni 35.5 z'amayero.

Tottenham Hotspur yemeje ko yamaze kwakira Joao Palhinha w'imyaka 30 avuye muri Bayern Munich yo mu gihugu cy'Ubudage. Uyu mugabo aje nk'intizanyo y'umwaka umwe ariko akaba ashoboro kugurwa burundu.

Tugumye muri Tottenham Hotspur yasezewe na Kapiteni wayo Hueng Min Son w'imyaka 33. Uyu mugabo yasezeye iyi kipe ku munsi w'ejo hashize ubwo Tottenham Hotspur yakinaga na Newcastle United umukino ukarangira ari igitego 1-1. Son yamaze kurangizanya na Los Angeles FC yo muri Leta zunze ubumwe z'Amerika.

Reka dukomereze kuri Marcus Rashford werekeje muri FC Barcelona kugira ngo iyi kipe ibashe kumwandikisha izabanza igurishe nibura umukinnyi Milliyoni 30 z'amayero kugira ngo Laliga imushyire ku rutonde iyi kipe izakoresha saison ya 2025-2026.

Aaron Ramsdale wamenyekanye akina muri Arsenal FC yamaze kwerekeza muri Newcastle United ariko mu buryo bw'intizanyo. Uyu musore yamanukanye na Southampton ariko abonye indi kipe iri mu cyiciro cya mbere.

Nyuma yo gusinyisha abakinnyi 2 barimo Florian Wirtz, Jeremie Fripong, Milos Kerkez ndetse na Hugo Ekitike, Liverpool FC yanamaze kubaha nimero bazambara muri uyu mwaka w'imikino ugiye kuza. Florian Wirtz yahawe nimero 7, Fripong ahabwa nimero 30, Kerkez ahabwa nimero 6 naho Hugo Ekitike ahabwa nimero 22. 

Amakuru ari kuvugwa i Burayi kandi barimo igurwa rya Alexander Isak muri Liverpool FC. Uyu musore arashaka gusohoka muri Newcastle United ariko iyi kipe ikomeje kugora Liverpool FC. Million 120 z'amayero Liverpool FC yatanze ntabwo Newcastle ishaka no kuyumva.

Amakuru yacu y'imikino reka tuyasoreze muri Manchester United. Ku munsi wo ku cyumweru tariki 3 Kanama 2025, iyi kipe yakinnye umukino wa gishuti na Everton FC. Ni umukino warangiye ikipe zombi zinganyije ibitego 2-2. Bruno Fernandes nyuma y'umukino yashinjije bagenzi be ubunebwe muri uyu mukino ndetse asaba ubuyobozi kongeramo abakinnyi.

APR FC yatsinzwe ibitego 2-1 na Police FC 

Bruno Fernandes arifuza abandi bakinnyi 

Florian Wirtz yahawe nimero 7 muri Liverpool FC 

Nigeria yegukanye igikombe cya Afrobasketball