Kinyarwanda
English
Swahili
Muhanga:Inkangu yafunze umuhanda
Polisi y’u Rwanda yatangaje ko imvura nyinshi yaguye yatumye umuhanda wa Muhanga-Ngororero-Mukamira ufungwa by’agateganyo.
Polisi yatangaje aya makuru, ibinyujije ku rubuga nkoranyambaga rwa X mu gitondo cyo kuri uyu wa Mbere.
Yasabye abakoresha uyu muhanda kwifashisha izindi nzira ndetse ibizeza ko abapolisi biteguye kubayobora.
Undi muhanda ushobora gukoreshwa ni Mukamira-Musanze-Kigali cyangwa Muhanga-Kigali-Musanze-Mukamira na Muhanga-Rubengera-Rutsiro-Rubavu.
Gusa ntihigeze hatangazwa igihe imirimo yo gukora uyu muhanda irangirira kugira ngo wongere kuba nyabagendwa.
