Kinyarwanda
English
Swahili
Perezida Kagame yagiranye ibiganiro na Emir wa Qatar
Uyu munsi mu gitondo i Doha, Perezida wa Repubulika y’u Rwanda, Paul Kagame, yagiranye inama n’Umwami w’Igihugu cya Qatar, Sheikh Tamim bin Hamad Al Thani, ku ruhande rw’inama ya Kabiri y’Isi ku iterambere ry’imibereho myiza.
Mu biganiro byabo, hatanzwe umwanya wo kugaruka ku mubano mwiza uhuza u Rwanda n’igihugu cya Qatar, ndetse no ku nzego nyinshi z’ubufatanye bwunguka hagati y’ibi bihugu byombi.
Perezida Kagame n’Umwami Sheikh Tamim bin Hamad Al Thani bagaragaje ubushake bwo gukomeza guteza imbere ibikorwa by’imikoranire mu nzego zitandukanye, hagamijwe inyungu z’abaturage b’ibihugu byombi.
U Rwanda na Qatar bafite umubano mwiza umaze igihe kirekire aho ushingiye cyane ku bikorwa birimo Politiki, ubukungu, Uburezi n'ibindi.
