Ku myaka ye 17 ishyira 18, Lamine Yamal ni umwe mu bakinnyi bategerejweho gukora ibintu bitangaje mu mupira w'amagaru ku isi bijyanye nibyo arimo gukora kugeza ubu.

Lamine Yamal ubwo yari afite imyaka 16, nibwo FC Barcelona yatozwaga na Xavi Hernandez, yamahaye amahirwe azamuwe mu inshuri ry'iyi kipe, La Masia.

Uyu musore agihabwa amahirwe ntabwo yigeze atenguha isi y'umupira w'amagaru, kuko ni umwe mu bakunzwe cyane Kandi akiri muto bitewe n'ubuhanga ndetse n'imyitwarire idashidikanwaho mu kibuga no hanze yacyo.

Lamine Yamal ubwo yahabwaga amahirwe na FC Barcelona yaje no kubengukwa n'ikipe y'igihugu ya Esipanye, iramuhamagara ahita anayihesha UEFA European Cup(EURO), aza no guhabwa igihe cy'umukinnyi ukiri muto witwaye neza muri 2024.

Nkuko bitangazwa na Sport, yemeje ko FC Barcelona yafashe umwanzuro wo kumuhereza nimero 10 agakurwa kuri nimero 19 yari amaze imyaka hafi 3 yambara.

Lamine Yamal iyi nimero ahawe yambuwe inshuti ye magara, Ansu Fati, nyuma yo kugaragaza imikiranire itari ku rwego rwo hejuru kuva yayihabwa.

Iyi nimero muri FC Barcelona yambawe n'abanyabigwi mu mupira w'Isi barimo Lionel Messi ufite Balloon D'Or 8 ndetse na Ronaldinho bose bakinanye muri iyi kipe. Uwavuga ko Lamine yemeye gutera ikirenge mu cy'abamubanjirije ntabwo yaba yibeshye..

Lamine Yamal uyu mwaka yafashije FC Barcelona gutwara ibikombe 3 birimo Shampiyona ya Esipanye (Laliga), Super cup ndetse n'igikombe cy'igihugu, hose ihigitse Real Madrid. Iyi FC Barcelona yanageze muri 1/2 cya UEFA Champions league ikurwamo na Inter Milan yo mu gihugu cy'ubutaliyani.

Ronaldinho yambaye nimero 10 muri FC Barcelona 

Lionel Messi yambaye nimero 10 muri FC Barcelona 

Byamaze kwemezwa ko Lamine Yamal azambara nimero 10 muri FC Barcelona