Ku cyumweru ejo hashize atariki 30 Werurwe 2025, ikipe ya Manchester City yakinnye umukino na AFC Bournemouth muri FA Cup, urangira ikipe ya Manchester City ari yo igeze muri 1/2 nyuma yo gutsinda ibitego 2-1.

Ni umukino wari ukomeye ufite igisobanuro kinini ku ikipe ya Manchester City kuko yo ivamo byari bube bishyize akadomo ku gutwara igikombe na kimwe uyu mwaka kuko muri shampiyona yarasigaye ndetse yanavuyemo muri UEFA Champions League.

Nyuma y'uyu mukino ikipe ya Manchester City yatsinzemo ikipe ya AFC Bournemouth, umutoza Pep Guardiola yavuze ko yicuza kuba atarahaye amahirwe abakinnyi bo mu bato ba Manchester City Kandi ari abakinnyi bafite ubushobozi. 

Yagize ati " Nize ibintu mu gihe cyange ubwo nari muri FC Barcelona, hano naho mu bato hari abakinnyi beza, batagira ubwoba kandi bahuza n'abandi vuba.

Buri gihe nabonaga McAtee, Nico, Rico nibo natangaho urugero. Wakibaza impamvu nabahaye iminota myinshi muri iyi Sezo twagize mbi. Buri gihe ndicuza ubwange, bari abakinnyi bakwiye iminota myinshi kubera ko buri gihe bakina Kandi bakitwara neza.

Rimwe na rimwe mu gihe kigoye ntabwo bakina kuko haba hari igitutu cyinshi kuri bo ariko mu byikuri ntabwo ari byo kubera ko abakinnyi bato baba bazi aho bakinira, bamenyereye umwuka ndetse n'imikinire y'ikipe."

Ibi Pep Guardiola yabigarutseho kuko umukinnyi witwa Nico O'Reilly yari yagize umukino mwiza ubwo basezereraga AFC Bournemouth. Nico niwe watanza umupira ubwo Omar Marmoush yatsindaga igitego cyahesheje iyi kipe gukomeza mu kindi cyiciro. Uyu mwana muto kandi ni nawe wari wahaye umupira Erling Halaand ubwo yatsindaga igitego cya mbere.

Ikipe ya Manchester City ifite abakinnyi 3 bazamuwe mu ikipe y'abato ndetse bafite akazoza k'ejo hazaza. Iyo urebye imikinire ya James McAtee, Rico Lewis ndetse na Oscar Bobb ufite imvune kugeza ubu, bose ubona ari abakinnyi bakina neza ndetse bakwiye umwanya.

Ikipe ya Manchester City nyuma yo kugera muri 1/2 cya FA Cup isezereye AFC Bournemouth izahura na Nottingham Forest birutanwa amanota macye ku rutonde rw'agateganyo rwa shampiyona y'ubwongereza. Ni umukino ukomeye kuko iheruka gutsinda Manchester City igitego 1-0.

  Pep Guardiola na Nico O'Reilly ubwo umukino         warangiraga