Ni umukino wabaye kuri uyu wa Kane tariki 5 Werurwe 2026. Uyu mukino woroheye cyane ikipe ya Rayon Sports yabanje mu kibuga ikipe ya Kabiri iza no kwitwara neza hakiri Kare cyane kuko igice cya mbere cyarangiye yatsinze ibitego 5-0.

Ibi bitego bya Rayon Sports byabonetse mu gice cya mbere byatsinzwe na Habimana Yves watsinze ibitego 2, Fall Ngagne atsinda ibitego 2 ndetse na Joachin Vigninou atsinda igitego kimwe.

Igice cya kabiri Rayon Sports yatsinze ibindi bitego 4 nabwo wabonaga igarukanye imbaraga nyinshi kurusha City Boys isanzwe ikina icyiciro cya kabiri.

Ibi bitego byatsinzwe na Habimana Yves wongeye gutsinda ibitego 2 bituma agira ibitego 4, Sindi Paul winjiye mu kibuga asimbuye nawe yatsinze igitego kimwe ndetse na Aziz Ben Dao. Ikipe ya Rayon Sports nyuma yo gutsinda byatumye igera muri 1/4 itsinze ibitego 11-0 uteranyije imikino yombi.

Ikipe ya Rayon Sports nyuma yo gukomeza mu kindi cyiciro, itegereje guhura n'ikipe izakomeza hagati ya Gicumbi FC na Police FC zanganyije umukino ubanza. Izi kipe zifitanye umukino wo kwishyura kuri uyu wa Gatanu tariki 6 Werurwe 2026.

Rayon Sports igiye gukomeza kwitegura urugendo rwerekeza mu karere ka Rubavu aho izakina na Etincelles FC mu mukino w'umunsi wa 23 wa Shampiyona y'u Rwanda uzaba ku cyumweru tariki 8 Werurwe 2026.