Kinyarwanda
English
FC Barcelona ishobora gukurwaho amanota nyuma yo kunyagira Osasuna
Ikipe ya FC Barcelona ishobora gukurwaho amanota 3 yari yaraye ibonye nyuma yo gutsinda ikipe ya Osasuna ibitego 3-0.
Mu ijoro ryo ku wa Kane tariki 27 Werurwe 2025, ikipe ya FC Barcelona yakinnye umukino w'ikirarane wa shampiyona n'ikipe ya Club Atletico Osasuna, urangira ikipe ya FC Barcelona itsinze ibona amanota 3.
Nyuma y'uyu mukino ikipe ya Osasuna yahise itegura ikirego icyohereze mu kanama gashyizwe kurenganura amakipe muri shampiyona ya Esipanye kitwa Loyal Spanish Football Federation (RSFF).
Kuri uyu wa gatanu tariki 28 Werurwe 2025, ikipe ya Osasuna yabyutse imenyesha abakunzi bayo ndetse n'abakunzi b'umupira w'amagaru muri Esipanye ko yamaze gutanga ikirego kubera myugariro wa FC Barcelona witwa Inigo Martinez.
Tariki 17 Werurwe 2025, nibwo ishyirahamwe ry'umupira w'amagaru muri Esipanye, ryatangaje ko abakinnyi barimo Inigo Martinez, Marc Casado ndetse na Bryan Zaragoza, bakuwe mu mwiherero w'ikipe y'igihugu ya Esipanye nyuma yaho basanze bafite utubazo twimvune.
Ikirego cya Osasuna cyagendeye ku itegeko rya 5 rya FIFA rivuga ko umukinnyi yo akuwe mu mwiherero w'ikipe y'igihugu iyo ari yo yose, agomba kumaraha hanze nibura iminsi 5 adakina kuva igihe iby'ikipe y'igihugu birangiriye kereka iyo umukinnyi ahawe rugari n'ishyirahamwe ry'umupira w'amagaru mu gihugu arimo.
Ikipe ya FC Barcelona yagonzwe niri tegeko nkuko ikipe ya Osasuna yabyanditse ibivuga. Inigo Martinez ubaze igihe iby'ikipe y'igihugu byarangiriye ntabwo iminsi yari yuzuye ku buryo yakina kuko hari hamaze gushira iminsi 4 gusa.
Iki kirego ikipe ya FC Barcelona yarezwe, ifashwe nacyo ntabwo yagumana amanota 63 yagize nyuma yo gutsinda Club Atletico Osasuna ibitego 3-0 kuko yahita aherezwa iyi kipe bahuye kuri uyu mukino.
Gukurwaho amanota kwa FC Barcelona, Ikipe ya Real Madrid yaba yungutse cyane kuko yagumya kunganya na FC Barcelona amanota 60 ariko ikaguma ku mwanya wa Kabiri kubera ibitego izigamye.
FC Barcelona irasubira mu kibuga kuri iki cyumweru tariki 30 Werurwe 2025, ikina n'ikipe ya Gerona FC muri shampiyona izahite ikurikizaho umukino wo kwishyura w'igikombe cy'igihugu izahuramo na Atletico Madrid, uzaba kuwa Gatatu tariki 2 Mata 2025. Umukino ubanza wahuje aya makipe yombi warangiye ikipe zinganyije ibitego 4-4.
Tags:
