Ku gicamunsi cyo kuri uyu wa Mbere tariki 3 Ugushyingo 2025, Johannesburg muri Afurika y'epfo, nibwo Impuzamashyirahamwe y'umupira w'amagaru muri Afurika, CAF, yakoresheje Tombola y'imikino y'Amatsinda muri CAF Confederations Cup ndetse na CAF Champions League.

Ni tombola yitabiriwe n'amakipe 32 yitwaye neza mu majonjora y'iyi mikino, aho muri CAF Confederations Cup harimo amakipe 16 ndetse no muri CAF Champions League akaba ari amakipe 16.

Ikipe zari zitegerejwe zibarizwa muri Afurika y'iburasirazuba harimo ikipe Enye zo muri Tanzania zirimo SIMBA SC, Younga Africans ziri muri CAF Champions ndetse na Singida Black Stars na Azam FC ziri muri CAF Confederations Cup na Nairobi United iri muri CA Confederations Cup. Indi kipe yari itegerejwe n'abanyarwanda benshi ni Al Hilal Omdurman izajya yakirira imikino yayo hano mu Rwanda kuri Sitade Amahoro iri muri CAF Champions League.

Azam FC izakina CAF Confederations Cup yisanze mu itsinda rya Kabiri aho izaba iri kumwe na Waydad Casablanca, AS Maniema, ndetse na Nairobi United yo muri Kenya. Singida Black Stars yo yisanze mu itsinda rimwe na CR Belouizdad, Stellenbosch FC ndetse na FC Otohô.

Muri aya matsinda Kandi ntabwo wakirengagiza ikipe zikinamo abakinnyi b'abanyarwanda barimo Ntwari Fiacre ukina muri Kaizer Chiefs yisanze mu mikino ya CAF Confederations Cup iri kumwe na Al Masry ikinamo Mugisha Bonheur, Zamarek SC ndetse na Zesko United FC.

Nkuko abanyarwanda benshi babyifuzaga byari ukureba ko Al Hilal Omdurman izajya mu itsinda rimwe n'amwe mu makipe akomeye muri Afurika biza kurangira yisanze iri kumwe na Mamelodie Sundowns. Iri tsinda ririmo kandi Saint Loi Lupopo yo muri DRC ndetse na MC Alger.

Iyi mikino ya CAF Confederations Cup na CAF Confederations Cup izatangirana hagati ya Tariki 21 na 23 Ugushyingo 2025. Biteganyijwe ko imikino yo gukuranwamo izatangirana n'ukwezi kwa Gatatu umwaka utaha wa 2026. 

Mamelodie Sundowns izakinira hano mu Rwanda na Al Hilal Omdurman 

Uko Tombola yagenze ya CAF Champions League 

Uko amakipe yatomboranye muri CAF Confederations Cup