Ni amakuru uyu mugore yasangije abamukurikira yifashishije imbuga nkoranyambaga ze, aho yagaragaje ko uko byagenda kose Imana igukorera ibyo wifuza nubwo bitaba mu gihe wowe ubishakira, ariko igihe kiragera bikaba.

Mu magambo ye aherekeje amafoto yabo bakora ubukwe, agaragaza  yishimiye cyane iyi ntabwe idasanzwe aba bombi bateye, yagize ati ''Iyo igutindije iragutegera''.

Amakuru ahari avuga ko ubukwe bwaba bombi bwabaye mu ntangiriro z'uku kwezi kwa Gicurasi, mu gihugu cya Canada ari naho aba bombi batuye magingo aya.

Judith Niyonizera yakundanye na King Dust kuva mu mwaka wa 2021, ubwo uyu mugore yari amaze gutandukana n'umuhanzi Safi Madiba bari bamaze igihe nabo babana nk'umugore n'umugabo. Kuva icyo gihe uyu mudamu yatangiye kuvugwa cyane mu myidagaduro yo mu Rwanda.