Kinyarwanda
English
Swahili
RDC: Urubanza rw'umusirikare wa FARDC uregwa kwicira abantu mu rusengero rwasubitswe
Umusirikare witwa Médard Katonzi, uherutse kurasira abantu mu rusengero rwitwa ‘Bethsaïda Ministry church’ rwaburanishijwe kuri uyu wa Kabiri taliki 13 Gicurasi 2025, ariko ntihatangwa umwanzuro bituma rwiburirwa undi munsi.
Uyu musirikare ubusanzwe ubarizwa mu mutwe w’ingabo zirwanira mu mazi, ashinjwa kuba yarinjiye mu rusengero ku cyumweru taliki 11 Gicurasi 2025 ruherereye i Banana, ku birometero 5 uvuye i Moanda yica abantu babiri abarashe abandi barakomereka.
Radio okapi itangaza ko nyuma yo kugezwa mu rukiko rwa gisirikare rwa Kitona rubarizwa mu ntara ya Moanda, uregwa yemeye ko yarashe muri urwo rusengero , hapfa abantu babiri abandi batatu barakomereka bikabije.
Muri uru rubanza rwa mbere, nta mpamvu nimwe uyu musirikare yatanze yatumye akora icyo gikorwa kigayitse bituma Urukiko rwa gisirikare ruhita rufata icyemezo cyo gusubika urubanza, rukazasubukurwa ku ya 28 Gicurasi 2025.
