Etania Mutoni ni umushyushyarugamba, umuvangamiziki akaba n'umunyamakuru ufite izina rikomeye mu gihugu cya Uganda.

Joshua Baraka na Etania Mutoni bamaze imyaka igera kuri itatu bakundana, ndetse umunsi ku munsi ntibasiba kubyerekana.

Joshua Baraka agaruka ku mubano wabo, yavuze ko nubwo urukundo rwabo rukura umunsi ku munsi, gusa batarigera babanaho na rimwe mu nzu imwe.

Uyu muhanzi abajijwe niba ateganya kubyarana n'umukunzi we Etania Mutoni, yahakanye yivuye inyuma avuga ko bitari mu bitekerezo afite.

Ati "Oya nta bihari mu buryo bwose. Ndacyari kure y’ibyo, sintekereza ko abana ari bo bagena uwo uri we. Abana ni inshingano ugomba kugira igihe witeguye."

Joshua Baraka ukomeje kuzamura umuziki wa Uganda ku rwego mpuzamahanga, yanavuze ko we ataratunga imodoka ye bwite kuko amafaranga ye yose ayashora mu muziki.

Joshua Baraka na Etania Mutoni bamaze imyaka igera kuri itatu bari mu rukundo