Ubundi ibihembo bya Grammy Award biragoye ko album iri mu Cyesipanyolo ihigika izindi . Icyakora nubwo biba bigoye ariko haba hari amahirwe y'uko bishoboka dore ko Bad Bunny yahinyuje ababibwiraga ko umuhanzi wo muri Amerika y'amajyepfo atatwara icyo gihembo kiri muri bitatu (Big Three) bihatanirwa.

Bad Bunny yatwaye igihembo cya album y'umwaka 'Debí Tirar Más Fotos'aba umuhanzi wa mbere uririmba mu rurimi rw'ikinyesipanyolo ukoze ayo mateka.

Ni igihembo yashyikirijwe na Harry Styles wigeze kukimutwara mu 2023. Nubundi ariko album ye yari iya mbere ihatanye muri icyo cyiciro . Yitwa "Un Verano Sin Ti' yatsinzwe na 'Harry's House' ya Harry Styles. 

Bad Bunny kimwe na buri wese wafashe ijambo banenze cyane politiki ya Perezida Donald Trump yo guheza abimukira'ICE'.

Yanavuze ko abantu bose bakwiriye kureshya kuko si inyamanswa. Ndetse mu ijwi riranguruye yibukije isi ko ari abanyamerika nubwo baba mu majyepfo.

ICE ni amategeko yashyizweho na Perezida Donald Trump yo kwamagana abimukira (Immigration and Customs Enforcement) ni bimwe mu byagarutsweho cyane mu ijoro ryo gutanga Grammy Award.

Ku ya 30 Mutarama 2026 I Minneapolis habaye imyigaragambyo yamagana ririya tegeko rikumira abimukira.

Hari uwahoze ari umunyamakuru wa CNN witwa Don Lemon watawe muri yombi azira kwitabira iyo myigaragambyo ndetse yavuze ko atazacogora kwamamagana ayo mategeko abangamira abimukira.

Si uyu gusa kuko na Georgia Fort,umunyamakuru wigenga wafashe amashusho cy'imyidagaduro yatawe muri yombi icyakora aza kurekurwa.

Imibare y'abakurikiye Grammy Awards yo mu 2026 ntabwo Nielsen irayitangaza. Icyakora mu 2024 yarebwe na miliyoni 16.9 naho mu 2025 yakurikiwe na miliyoni 15.4.

Amarira ntajya abura muri Grammy kuko Olivia Dean akimara guhabwa igihembo cy'umuhanzi mushya w'umwaka yasutse amarira.