Amakuru avuga ko kuri uyu wa Gatatu tariki ya 11 Werurwe 2026 Saa tanu za mugitondo, General de Police Alain Guillaume Bunyoni wari umaze imyaka itatu ari mu buroko muri Gereza ya Gitega yarekuwe by'agateganyo ku mpamvu z'uburwayi nkuko ibinyamakuru birimo BBC byabitangaje.

 General de Police Alain Guillaume Bunyoni wabaye Minisitiri w'Intebe w'u Burundi yatawe muri yombi muri 2023. Yahamijwe ibyaha bikomeye birimo guhungabana umutekano w'Igihugu, kunyereza umutungo wa Leta, gukoresha ububasha afite mu nyungu ze bwite, ariko yahanaguweho icyaha cyo gushaka kwica Perezida Ndayishimiye Evariste ndetse Urukiko rumukatira igifungo cya Burundu.

 Geneal Bunyoni yarekuwe arikumwe n'izindi mfungwa 10, nabo bari bafite ikibazo cy'uburwayi, Bose bakaba barekuwe kugirango bashobore kwivuza.

 General Bunyoni arekuwe nyuma y'iminsi mike harekuwe abanyamakuru Muhoza Sandra na Nduwimana Kenny Claude nabo bari barafunzwe. General Alain Guillaume Bunyoni yafunzwe muri Mata 2023. Uburwayi bwavuzwe cyane muri mpeza z'umwaka ushize kuburyo yamerewe nabi anajyanwa mu bitaro.