Kinyarwanda
English
Swahili
Davido yaciye amazi itangazamakuru
Davido yageze mu Rwanda ntiyavugisha itangazamakuru, uwazanye igishushanyo yamukoreye yimwa umwanya wo kumwegera ariko kandi n'abazanye indabo zo kumwakira bazisubijeyo batazimuhaye.
Davido,Umuhanzi uri mu bakunzwe ku isi yageze i Kigali mu rukerera rwo mu ijoro ryo ku wa 05 Ukuboza 2025.
Davido akigera ku kibuga mpuzamahanga cy'indege cya Kanombe yashyizeho telefoni ajya aho aganirira n'abamukurikira kuri Instagram 'live' yereka isi yose uko bimeze.
Yari yahawe amakuru ko aho ari busohokere huzuye abaje kumutegereza, abari bumuhe indabo yabaciye amazi arikomereza ariko yereka abantu ko I Kigali akunzwe.
Itangazamakuru ryari ryuzuye ryiteguye kuganiriza Davido ariko umutekano we n'ibikubiye mu masezerano ntabwo byari byemewe ko ahagarara akaganiriza Itangazamakuru.
Davido yari afite abamucungira umutekano be n'abo yasanze mu Rwanda barimo Ya Ntare usanzwe acungira The Ben umutekano.
Igitaramo cya Davido kiri mu ijoro ryo ku wa 05 Ukuboza 2025 muri Bk Arena aho ari bufatanye n'abarimo Kitoko Bibarwa,Juno Kizigenza, France, Ariel Wayz n'abandi.
