Kinyarwanda
English
Swahili
Centrafrique: Perezida Touadéra yakiriye itsinda ry’ubuyobozi bw’ingabo za RDF
Perezida Centrafrique Faustin-Archange Touadéra yakiriye itsinda ry’Ubuyobozi bw’Ingabo z’u Rwanda riyobowe n’Umugaba Mukuru w’Ingabo zirwanira ku Butaka, Maj Gen Vincent Nyakarundi.
Ubutumwa bwatanzwe n’Ubuyobozi bwa RDF kuri uyu wa Kabiri, bugaragaza ko iri tsinda ryakiriwe kuva taliki 04 Werurwe.
Ni ubutumwa bugira buti “None tariki 04 Werurwe 2025, itsinda riyobowe n’Umugaba Mukuru w’Ingabo zirwanira ku Butaka, Maj Gen Vincent Nyakarundi hamwe n’Umuvugizi w’Ingabo, Brig Gen Ronald Rwivanga n’Umuyobozi Mukuru w’Ishami rishinzwe Imyitozo muri RDF, Lt Col L Kabutura; bageze muri Repubulika ya Central African.”
Perezida Faustin-Archange Touadéra yagaragarije iri tsinda ko hari intambwe ikomeje guterwa mu gukomeza imikoranire y’impande zombi.
Intambwe iri guterwa mu mikoranire mu bya gisirikare hagati y’u Rwanda na Repubulika ya Central African, yaba muri iki gihe ndetse no mu bikorwa by’imyitozo byo mu gihe kizaza, biri mu murongo wa gahunda y’amavugurura yo mu rwego rw’umutekano.”
Kugeza ubu muri iki Gihugu ibikorwa byo kubungabunga umutekano birakomeje ndetse hakaba habura iminsi micye ngo habe umuhango wo gusoza imyitozo ya gisirikare yatanzwe ku bufatanye bw’Impande zombi (RDF na FACA) i Bangui.
