Mu ijoro rya cyeye ryo ku wa kabiri tariki 4 Werurwe 2025, nibwo ikipe ya Real Madrid yakinnye umukino wayo ubanza wa UEFA Champions League n'ikipe ya Atletico Madrid.

Ni umukino wari ukomeye warangiye ikipe ya Real Madrid itsinze ibitego 2-1 cya Atletico Madrid. Uyu mukino, umukinnyi wo hagati wa Real Madrid witwa Fede Valverd yakinaga umukino we wa 300 muri Real Madrid ndetse yari na Kapiteni kugeza ubwo Luka Modric yinjiragamo.

Muri uyu mukino, abakinnyi batsindiye Real Madrid ni Rodrygo Goes ndetse na Ibrahim Diaz. Igitego cya Atletico Madrid cyatsinzwe na Julian Alvarez wayijemo avuye muri Manchester City.

Ibrahim Diaz ubwo yatsindaga igitego yagaragaye abwira amagambo Diego Someone, umutoza wa Atletico Madrid asa nk'umucecekesha bitewe ni uko mbere y'umukino uyu mutoza yavugaga ko Ibrahim Diaz adashobora kubanza mu kibuga.

Mu magambo uyu musore yakoresheje akimara gutsinda igitego, yayavuze mu rurimi rwa Esipanye, avuga ati" Vuga nonaha, Vuga nonaha, ejo waravuze, ngaho ongera vuga."

Ibrahim Diaz nyuma y'uyu mukino Kandi yatangaje ko ikipe ya Real Madrid ari ikipe ya mbere ku isi ndetse anavuga ko gukinira Real Madrid ari ibintu bidasanzwe.

Yagize ati " Turi Real Madrid. Mwibuke ko iyi ari yo kipe ya mbere ku isi. Gukinira Real Madrid ni ibintu bidasanzwe. Yo wambaye uyu mwambaro uba ugomba gutanga buri kimwe."

Ikipe ya Real Madrid gutsinda Atletico Madrid ni ibintu byatumye isa nk'ikandagiza ikirenge kimwe muri 1/4 cya UEFA Champions League nubwo ifite akazi gakomeye igomba gukorera kuri sitade ya Atletico Madrid.

Umukino wo kwishyura biteganyijwe ko uzaba tariki 12 Werurwe 2025. Ikipe ya Real Madrid izaba yagiye kuri sitade ya Atletico Madrid, ahantu muri iyi minsi ikipe kuvayo biba bitoroshye.

Ibrahim Diaz ubwo yatsindaga igitego cyahesheje intsinzi Real Madrid