Tariki 21 mata 2025, nibwo Haringingo Francis na Nduwimana Pablo, basezeye akazi ko gutoza ikipe ya Bugesera FC nyuma y’umwaka n’igice batoza iyi kipe.

Ikipe ya Bugesera FC ku munsi w’ejo hashize tariki 22 mata 2025, nibwo yemeje ko yatandukanye n’aba batoza nyuma y’umusaruro utari mwiza wari muri Bugesera FC.

Iyi kipe mu gitondo cyo kuri uyu wa gatatu tariki 23 mata 2025, yatangaje ko yashyizeho umutoza kushya witwa Banamwana Camarade uje gutoza imikino isigaye kugirango shampiyona irangire.

Banamwana Camarade uzaba ari umutoza mukuru, azungirizwa na Ndayishimiye Eric ndetse na Peter Otema. Aba batoza bafite inshingano zo kugumisha ikipe ya Bugesera FC mu cyiciro cya mbere nubwo bitoroshye.

Imikino Bugesera FC isigaje gukina harimo Marine FC, Gorilla FC, Rayon Sports ndetse na Etincelles FC. Muri izi kipe Bugesera FC isigaje harimo 2 zitarizera neza kuva mu murongo w’amakipe ashobora kumpanuka.

Kugeza ubu Bugesera FC iri ku mwanya wa 15 n’amanota  24.