Ku wa Kane tariki 19 Kamena 2025, nibwo Real Madrid yatangaje ko Kylian Mbape yagiye mu bitaro kubera ikibazo cya 'Gastroentiritis' cyangwa Inzoka zo mu nda, yajyanwe mu bitaro.

Bati " Umukinnyi wacu Kylian Mbappé arwaye cyane indwara ya gastroenteritis ( urwungano ngogozi cyangwa inzoka zo mu nda), kandi yajyanywe mu bitaro kugira ngo asuzumwe ndetse avurwe uko bikwiye.”

Nyuma yo kwitabwaho kwa Kylian Mbape, yaje koroherwa ndetse Real Madrid itangaza ko uyu mukinnyi yasohotse mu bitaro agiye gukomeza kwitabwaho ari hanze.

Yagize iti "Umukinnyi wacu Kylian Mbappé yavuye mu bitaro asubira mu mwiherero wa Real Madrid. Mbappé agiye gukomeza guhabwa ubuvuzi bwihariye kandi azagenda yinjira mu bikorwa by'ikipe gacye gacye."

Kylian Mbape kugeza ubu ntabwo haremezwa igihe azagarukira mu kibuga. Real Madrid iheruka kunganya na Al Hilal itamufite igitego 1-1 mu mukino wa mbere w'igikombe cy'isi cy'ama-Club.

Ni umukino wakinwe ku wa Gatatu tariki 18 Kamena 2025. Muri uyu mukino Kylian Mbape yari yasimbuwe na Gonzalo Garcia ndetse yitwara neza kuko igitego Real Madrid yabonye n'uyu mukinnyi wagitsinze.