Mu ijoro rya cyeye tariki 26 Werurwe 2026, UEFA Champions League y’abagore yari yakomeje ikipe ya Arsenal WFC ikina na Real Madrid WFC umukino urangira ikipe ya Arsenal WFC itsinze ibitego 3-0.

Ni umukino utari woroshye kuko ikipe ya Arsenal WFC yagombaga gutsinda ibitego biri hejuru ya 2 kuko umukino ubanza yari yatsinzwe na Real Madrid WFC ibitego 2-0 mu mukino wabereye Santiago Bernabeau mu gihugu cya Esipanye.

Ikipe ya Arsenal WFC yari yakiriye ikipe ya Real Madrid WFC ndetse umukino uza kurangira itsinze nkuko yabyifuzaga. Ibitego 3 ikipe ya Arsenal WFC yatsinze, byatsinzwe n’abarimo Russo ku munota wa 46, Caldentey ku munota wa 49 ndetse Russo ku munota wa 59 yongera gutsinda igitego anahabwa ikarita y’umutuku ku munota wa 71.

Uyu mukino w’abari n’abategarugori wahuje ikipe ya Arsenal na Real Madrid uje mbere y’umukino ikipe z’abagabo nazo zizakina mu kwezi gutaha tariki 8 Mata 2025. Ikipe ya Arsenal WFC ihaye umukoro basaza bayo kuko nayo gutsinda Real Madrid birashoboka kuko twabonye ari ikipe ikinika.

Arsenal WFC nyuma yo gukomeza ku giteranyo cy’ibitego 3-2, muri 1/2 izahura n’ikipe ya Lyon WFC nayo ikomeye cyane kuko yakomeje ikuyemo ikipe ya Bayern Munich ku giteranyo cy’ibitego 6-1.