Kuri uyu wa Gatandatu tariki 28 Kamena 2025, ikipe ya Rayon Sports nibwo yasinyishije abakinnyi 3 barimo Serumogo Ally wongereye amasezerano, Rushema Chris ndetse na Gloire Tambwe ukomoka mu gihugu cy'u Burundi.

Aba bakinnyi bose Rayon Sports yabahaye amasezerano y'imyaka 2. Myugariro Rushema Chris aje muri Rayon Sports avuye muri Mukura Victory Sports yari amazemo imyaka 2.

Uyu musore hashize igihe yumvikana na Rayon Sports ariko ikibazo cy'amafaranga gikomeza kuba imbogamizi ariko byarangiye asinye muri iyi kipe.

Gloire Tambwe yari amaze iminsi hano mu Rwanda nyuma yo guhabwa itike na Rayon Sports ariko kuri uyu wa Gatandatu nibwo ashyize umukono ku masezerano. Uyu musore akomoka mu gihugu cy'u Burundi, yakinaga mu kibuga hagati muri Musongati FC. 

Amakuru aturuka mu gihugu cy'u Burundi, avuga ko uyu musore ari umwe mu beza bari muri iki gihugu ndetse yanaje mu ikipe ya Saison.

Haracyategerejwe niba ikipe ya Rayon Sports hari abandi bakinnyi irasinyisha. Hategerejwe abakinnyi 3 b'abanyamahanga barimo Drissa Kouyate, Mohamed Chely ndetse na Rayane Hamouimeche, bose bari mu Rwanda.

Serumogo Ally yongereye amasezerano 

Rushema Chris wakinaga muri Mukura Victory Sports 

Gloire Tambwe wakinaga muri Musongati FC