Kinyarwanda
English
Swahili
&format=webp)
&format=webp)
Ambasaderi wa Qatar mu Rwanda yaganiriye na Minisitiri w’Ingabo ku bufatanye bw’ibihugu byombi
Ambasaderi w'igihugu cya Qatar mu Rwanda, Mansour bin Ali Al-Hajri, yagiranye ibiganiro na Minisitiri w’Ingabo w’u Rwanda, Juvenal Marizamunda, baganira ku buryo bwo kurushaho guteza imbere ubufatanye hagati y’ibihugu byombi.
Ibi biganiro byabaye kuri uyu wa 12 Werurwe 2026, byibanze ku kurebera hamwe uko ubufatanye hagati y’u Rwanda na Qatar bwakomeza gutezwa imbere, ndetse no kureba uburyo bwakwagurwa mu nzego zitandukanye.
Impande zombi zagaragaje ko ibihugu byombi bisanzwe bifitanye umubano mwiza w’ubucuti, bityo ko hakenewe gukomeza gushimangira uwo mubano binyuze mu bufatanye bwagutse burimo ubufasha mu nzego zitandukanye.
U Rwanda na Qatar bisanzwe bifitanye imikoranire mu by’ubukungu, ubucuruzi n’ishoramari, aho ibihugu byombi bikomeje gushaka amahirwe mashya yo guteza imbere inyungu zabyo binyuze mu bufatanye bwa dipolomasi.
Ibi biganiro bigamije gukomeza gushimangira umubano w’ubufatanye hagati y’ibihugu byombi by’inshuti no guteza imbere imikoranire mu nyungu z’abaturage babyo.
