Kuri uyu wa Kabiri tariki 21 Ukwakira 2025, nibwo hasohotse amakuru avuga ko Al-Merriekh SC yanditse isaba gukina Shampiyona y'u Rwanda, iza y'inyongera kuri Al Hilal Omdurman na Al Ahli Wad Madani zanditse mbere zisaba gutangira Shampiyona mu Rwanda.

Ibi byakiriwe neza n'abakunzi benshi b'umupira w'amaguru hano mu Rwanda bitewe nuko aya makipe ari amwe mu yakomeye yatuma urwego rwa Shampiyona ruzamuka cyane.

Kugeza ubu hari amakuru avugwa ko Rwanda Premier League isanzwe ireberera inyungu z'umupira w'amaguru hano mu Rwanda, yamaze kwemerera aya makipe ahubwo harimo gushakwa uko byakorwa neza kugira ngo aya makipe yinjirane n'umunsi wa Gatanu wa Shampiyona.

Amakipe asanzwe akina Shampiyona y'u Rwanda ni 16, ubwo hiyongereyeho aya makipe atatu byatuma muri shampiyona amakipe ahita aba 19. Al Hilal Omdurman irimo gukina imikino ya CAF Champions League, Al-Merriekh SC yo iheruka gusezererwa na Saint Loi Lupopo yo muri RDC.

Al-Merriekh SC nayo yasabye gukina Shampiyona y'u Rwanda 

Al Ahli Wad Madani yanditse isaba gukina Shampiyona y'u Rwanda 

Al Hilal Omdurman nayo irifuza gukina Shampiyona y'u Rwanda