Mu gitondo abahungu batarengeje imyaka 19, basiganwe intera ingana n'Ibirometero 119 na Metero 300. Uwaje kwegukana iri siganwa ni Harry Hudson wakoresheje amasaha 2 n'iminota 55 n'amasegonga 19.

Ku isaha ya saa Sita z'amanwa nibwo ikiciro cy'abahungu batarengeje imyaka 23, batangiye gusiganwa. Byari bikomeye cyane ariko abahungu ubona bagenda batandukana n'abakobwa kuko hagenda haboneka abava mu gikundi hakiri kare cyane.

Abasiganwa bari 118 baturutse mu bihugu 56 bitandukanye. Abanyarwanda barimo Niyonkuru Samuel, Ruhumuriza Aime, Tuyizere Etienne na Ufitimana Shadrack nibo bari muri iri siganwa. Mu bilometero 4 gusa Niyonkuru Samuel yaje gukora impanuka ariko yoroheje kuko yahagurutse akongera akajya mu isiganwa.

Ntabwo byakunze ko abakinnyi b'abanyarwanda baza gusoza bose kuko Ruhumuriza Aime yaje kuva mu isiganwa amaze kuzenguruka inshuro 4 zonyine. Undi wavuye mu isiganwa kare ni Ufitimana Shadrack na Tuyizere Etienne bavuye mu isiganwa bamaze kuzenguruka inshuro 5 zonyine. Umunyarwanda witwa Niyonkuru Samuel niwe wabashije gusoza iri siganwa.

Ku isaha ya saa ya saa Kumi zuzuye nibwo umutaliyani Finn Lorenzo yageze ku murongo ari uwa mbere nyuma yo gusoza ibi bilometero 164 na Metero 600 akoresheje amasaha 3 n'iminota 57 n'amasegonga 27. Uwaje ku mwanya wa kabiri ni Jan Huber warushijwe amasegonga 31, naho uwa Gatatu aba Schrettl Marco warushijwe umunota n'amasegonga 13.

Uyu mutaliyani wegukanye iri siganwa ry'Abagabo batarengeje imyaka 23, amazina ye yose yitwa Finn Mark Lorenzo, afite imyaka 18 kuko yavutse tariki 19 Ugushyingo 2005.

Finn Lorenzo umwaka ushize wa 2024 n'ubundi mu bato muri Shampiyona y'isi y'Amagare yabereye mu gihugu cy'Ubusuwisi niwe wabashije kuryegukana, ubwo ni ku nshuro ya Kabiri yegukanye Shampiyona y'isi muri iki cyiciro cyabatarengeje imyaka 23.

Uyu musore wavukiye Genoa, afite Metero imwe na Sentimetero 81, afite ibirori 63. Lorenzo yazamukiye mu ikipe yitwa CPS Professional Team naho umwaka ushize yari mu ikipe yitwa Team Grenke Auto Eder. 

Lorenzo yaje muri iyi shampiyona y'isi y'Amagare avuye mu ikipe ikomeye mu gihugu cy'Ubudage yitwa Red Bull-Bora-Hansgrohe Rookies.