Uyu munyabigwi mu mukino w'amagare yageze i Kigali kuri uyu wa Kane, aje kwitabira Shampiyona y’Isi izabera i Kigali tariki 21-28 Nzeri 2025.

Pogačar w'imyaka 26 usanzwe ukinira Ikipe ya UAE Team Emirates XRG, ari mu bakinnyi 9 bagize Ikipe y’Igihugu y’Abagabo ya Slovenia izitabira Shampiyona y’Isi y’Amagare ya 2025.

Pogačar ni we uheruka kwegukana Tour de France ku nshuro ya 2 yikurikiranya, ikaba n'iya 4 muri rusange.

Yegukanye na Shampiyona y’Isi ya 2024 mu gusiganwa mu muhanda yabereye i Zürich mu Busuwisi.

Ubu ari mu bahabwa amahirwe kubera ko ari umuzamutsi mwiza mu gihe Shamiyona y’Isi y’i Kigali izaba yuzuyemo udusozi turimo Norvège na Mur de Kigali (Kwa Mutwe) byitezwe ko tuzagora benshi.