Kinyarwanda
English
Swahili
Umuziki winjije miliyari $31.7-Raporo ya IFPI
Leta Zunze Ubumwe z'Amerika zikomeje kuza ku isonga mu bihugu byumva cyane kandi bikamenya agaciro ko kugura ifatabuguzi ku mbuga zicururizwaho umuziki. Raporo ya IFPI yagiye hanze yerekana ishusho rusange y'amafaranga yinjijwe n'umuziki mu 2026. IFPI ni umuryango mpuzamahanga uhagarariye uruganda rwa muzika ku isi ukaba uhuriwemo na za federasiyo zo mu mu bihugu binyamuryango.
Ku wa 18 Werurwe 2026 Umuryango mpuzamahanga uhuriza hamwe abahanzi 'IFPI' washyize hanze raporo yerekana ishusho rusange y'ukuntu umuziki winjije mu 2025. Iyo raporo yerekana ko umuziki winjije miliyari 31.7
z'amadolali y'Amerika. Habayeho izamuka rya 6.4%. Urebye raporo yo mu 2024, abumva umuziki bari bazamutse ku kigero cya 4.7%.
Raporo ya 2025 yerekana ko abumva umuziki bishyuye imbuga ziwucuruza ,Digital Music Providers (DPs) bageze kuri miliyoni 837.
Buri merekezo y'isi habayeho kwiyongera ku bumva umuziki. Isi y'umuziki ishushanyije mu bice bine: Hari Amerika y'amajyepfo (Latin America)yagize abakiriya b'umuziki biganje ibindi bice by'isi ku kigero cya 17.1%.
Mu Burasirazuba bwo hagati (Middle East) baza ku mwanya wa kabiri mu kugira isoko rikura cyane. Afurika y'Amajyaruguru yiyongereye ku kigero cya 15.2%.
Afurika yo mu nsi y'ubutayu bwa Sahara yiyongereyeho 15.2%, Aziya yagize abumva umuziki biyongereyeho 10.9%.
IFPI yerekana ko abagura ifatabuguzi ku mbuga zicuruza imiziki nibo bagira uruhare mu iterambere ry'uruganda kuko nibo binjiza menshi.
Abishyura ifatabuguzi biyongereyeho 8.8% bakaba bagize 52.4% ku byinjizwa n'umuziki ku isi hose. Igiteranyo cy'abafata ifatabuguzi n'abamamaza ku mbuga zicuruzwaho imiziki binjije miliyari 22 z'amadolali y'Amerika mu 2025, bagize 69.6% by'abanjirije uruganda rwa muzika.
Mu 2025 abumva umuziki badakoresheje ikoranabuhanga bariyongereye ku kigero cya 8%'tangible music experiences'.
Vinyl abayikoresha biyongereyeho 13.7% bituma igeza ku myaka 19 yikurikiranya izamuka mu kugira abayikoresha bumva umuziki.
Abumva umuziki bakoresheje gakondo baciye ku bakoresha imbuga ziwucuruza.
Ni inshuro ya kabiri biba dore ko Ubuyapani bufatwa nk'isoko rigari ry'umuziki hagaragaye ubwiyongere bw'abagura za CDs, n'ibitaramo bigari byahabereye.
Amafaranga yinjizwa ahabera ibitaramo 'Performance rights revenues' yageze kuri miliyali $2.9, ni ubwiyongere bwa 0.3%, ni inshuro ya gatanu bizamuka.
Aya mafaranga yakusanyijwe yishyurwa 'Labels' inzu zicuruza imiziki 'distributors' n'abahanzi ku giti cyabo.
Turebere ibihugu 10 bifite isoko ry'umuziki biza ku isonga
Ku isonga hari Leta Zunze Ubumwe z'Amerika, Ubuyapani, Ubwongereza, Ubushinwa, Ubudage, Ubufaransa, Koreya y’Epfo, Brazil, Canada na Mexico.
USA&CANADA
Iri niryo soko ryagutse ku isi ryazamutseho 3.5% mu 2025 noneho rikaba ryariyongereye ku kigero cya 38.7% ku isoko ry'isi yose .
Iryo soko ryongereyeho miliyoni 400 z'amadolali y'Amerika ku musaruro winjijwe mu 2025. Leta Zunze Ubumwe, abumva umuziki biyongereyeho 3.3%.
Uburayi
Umugabane w'u Burayi uza ku mwanya wa kabiri,mu kugira abaturage bumva umuziki cyane ndetse biyongereyeho 5.6% mu 2025 binjije miliyoni 500 z'amadolali y'Amerika, bagize 30.4% by'amafaranga yose yinjiye mu 2025.
Umuhanzikazi Taylor Swift amaze imyaka ine ari we ucuruza cyane nkuko bitangazwa na IFPI ariko abikesha album yise'The Life of Showgirl' n'icyegeranyo yakoze'The End of an Era' ubwo yasozaga ibitaramo bizanguruka imigabane imwe n'imwe ukuyemo Afurika na Oceyaniya.
Itsinda ryo muri Koreya y’Epfo 'Stray Kids' riri ku mwanya wa kabiri, Bad Bunny akurikiraho, Drake, Seventeenth, The Weeknd na Eminem bahora mu myanya itanu ya mbere mu gihe cy'imyaka itanu ishize.
Aba bahanzi baza imbere bitewe n'uburyo imiziki yabo yumviswe, yaguzwe, ibitaramo bakoze uko byacuruje, indirimbo zabo uburyo zikoreshwa cyane ahabereye ibitaramo n'ibyegeranyo by'ibitaramo bakora uko bigurishwa.
