Kinyarwanda
English
Umugore wa Theo Bosebabireba yabonye umuha impyiko
Umuhanzi w'indirimbo zo kuramya no gihimbaza Imana Theo Bosebabireba, aratangaza ko umugore we yabonye umuntu umuha impyiko, icyakora akaba atarayishyirwamo.
Bosebabireba aratangaza ko nyuma y'igihe kinini umugore we arwaye impyiko, agiye guhabwa indi akaba ategereje ko itariki ibitaro by'Umwami Faisal bamuhaye igera.
Uyu muhanzi avuga ko ibitaro byabahaye gahunda ya tariki ya 04 Mata 2025 yo kuba ari bwo azahabwa iyo mpyiko.
Nubwo umugore we yabonye uzamuha impyiko, ariko aracyajya gukoresha 'Dialyse' inshuro Eshatu mu Cyumweru aho inshuro imwe yishyura ibihumbi 100Rwf.
Uyu muhanzi ashimira abantu bamubaye hafi muri ibi bihe, kuko yemeza ko nyuma yo kumenya ko umugore we arwaye batangiye kumugoboka mu buryo bw'amafaranga.
