Bobi Wine, umukandida w'ishyaka rirwanya ubutegetsi bwa Yoweri Kaguta Museveni akomeje gufata imitima y'abaturage bari kumwereka ko bamushyigikiye mu murongo w'impinduramatwara igamije guhindura imitegekere ya Uganda. 

Bobi Wine ukomeje ibikorwa byo kwiyamamaza ku mwanya w'umukuru w'igihugu mu matora ategerejwe mu 2026 ari gukoresha imbwirwaruhame zirimo amagambo y'ihumure.

Ati"Dukeneye akazi ntabwo dukeneye gereza. Dukeneye icyizere ntidukeneye itotezwa. Dukeneye ibitabo ntabwo dukeneye amasasu".

Bobi Wine ashyigikiwe n'abahanzi barimo King Saha, Pallaso, Spice Diana, Nina Roz, Fik Fameica n'abandi. Afite icyizere ko amatora aramutse aciye mu mucyo ntiyibwe amajwi nta kabuza yatsinda.

Ibi bisa nko kwibeshya bitewe nuko Yoweri Kaguta Museveni aherutse kwerekana ko amatora yarangiye ibyo barimo ari ukurangiza umuhango no kugirango yereke amahanga ko hari demokarasi.

Mu muhango wo kumwemeza nk'umukandida wa NRM, we ubwe yivugiye ko atarabona uwabasha kuyobora Uganda bityo azakomeza kugeza abonye umusimbura nubwo ari gutegura umuhungu we General Muhozi Kainerugaba.