Mu butumwa aba bombi banyujije ku mbuga nkoranyambaga zabo, basabye abahanzi gukoresha impano zabo bavuga ukuri kuri Jenoside yakorewe Abatutsi, mu rwego rwo guhangana n'abakwirakwiza ingengabitekerezo yayo.

Bibukije kandi urubyiruko ko bakwiye gufata iya mbere bakimakaza urukundo n'amahoro, baharanira ko Jenoside yabaye mu Rwanda itazasubira ukundi kandi bakazirikana ko kwibuka biri mu nshingano.

Ati "Nk’urubyiruko mureke dufate iya mbere mu guharanira ko bitazasubira ukundi, dushyira imbere urukundo n’amahoro."

Yunzemo ati: "Nk’abahanzi dukoreshe impano zacu mu kwimakaza urukundo no kuvuga ukuri kw'ibyabaye, turwanye ingengabitekerezo ya Jenoside n’abagoreka amateka bagamije gupfobya Jenoside yakorewe Abatutsi".

Kingsley na Japhet bahumurije abarokotse bose, ababwira ko batari bonyine  kandi ibyabaye ntibizasubira ukundi.

Ati: "Abarokotse Genocide muhumure turi kumwe namwe kandi ibyabaye ntibizasubira ukundi. Mwarakoze INKOTANYI kubohora Abanyarwanda."

Doctall Kingsley ukomoka muri Nigeria akunze kugaragaza ko ari inshuti y'akadasohoka y'u Rwanda n'Abanyarwanda ndetse arukunda cyane kugera ubwo yiyise izina ry'ikinyarwanda rya 'Ntakirutimana', mu rwego rwo gukomeza kwisanisha nabo.

Doctall Kingsley na Japhet basabye gukora impano za ko gukoresha impano zabo bamagana Jenoside yakorewe Abatutsi