Kinyarwanda
English
Swahili
Tanzania: Abantu 38 bapfiriye mu mpanuka ya bisi zagonganye abandi benshi barakomereka
Abantu bagera kuri 38 bapfuye naho abandi 28 barakomereka nyuma yuko imodoka ebyiri za bisi zigonganye zihita zishya.
Ni impanuka ikomeye yebereye mu ntara ya Kilimanjaro mu majyaruguru ya Tanzania.
Amakuru avuga ko impanuka yabaye nyuma yuko umupine w'imbere w'imwe muri izo bisi uturitse, bituma haduka inkongi itwika izo modoka zombi, bamwe barapfa abandi barakomereka muri izo bisi.
Impanuka zo mu muhanda zica abantu zikunze kubaho muri Tanzania, ndetse akenshi zegekwa ku binyabiziga bitujuje ubuziranenge no gutwara nabi.
Perezida wa Tanzania Samia Suluhu aherutse kuvuga ko ahangayikishijwe n'ubwiyongere bw'impanuka zo mu muhanda.
Kuva muri Mutarama kugeza muri Mata uyu mwaka, imibare igaragaza ko muri Tanzania habaye impanuka 1,322, zishe abantu 1,275. Ikaba yariyongereyeho 9% ugereranyije no mu gihe nk'icyo mu mwaka ushize.
