Kinyarwanda
English
Swahili
Qatar Airways igiye gusubukura ingendo zayo i Kigali
Kompanyi y'Indege ya Qatar(Qaatar Airways) yatangaje ko igiye gusubukura ingendo zayo mu Rwanda, aho indege zayo zitwara abagenzi zigiye kujya zikora ingendo za Doha-Kigali mu buryo bwihuse.
Ibi byatangajwe kuri uyu wa 20 Werurwe 2025. aho Qatar Airways yatangaje ko guhera ku itariki ya 14 Gicurasi uyu mwaka, iyi Kompanyi izasubukura ingendo zayo mu gihugu cy'u Rwanda, aho izajya ikora ingendo Doha-Kigali.
Biteganyijwe ko Qatar Airways izakorera i Kigali ingendo enye buri cyumweru ikoresheje indege ya Airbus A320, hagamijwe gufasha u Rwanda kugera ku ntego yo kuba icyicaro cy’ingendo zo mu kirere mu Karere.
Qatar Airways iri muri Sosiyete zikomeye ku Isi,yatangaje ko ingendo zayo zihuza Kigali na Doha zizagira uruhare mu iterambere ry’ubukerarugendo, ubucuruzi no kurushaho guhuza Akarere n’Isi yose.
Sosiyete y'ubwikorezi mu Rwanda yasinyanye amasezerano y'ubufatanye na Qatar Airways mu mwaka wa 2021, aya masezerano akaba agamije kuzamura ubucuruzi n'imigenderanire hagati y'ibihugu byombi, ndetse no gukomeza kuzamura ubukerarugendo bw'u Rwanda.
