Perezida wa Komisiyo y'amatora muri Uganda Simon Mugenyi Byabakama, yatangaje Yoweri Kaguta Museveni , yatsinze amatora yabaye ku wa Kane tariki ya 15 Mutarama 2026.

Komisiyo y’amatora yatangaje ko Yoweri Kaguta Museveni yatowe n'abaturage 7, 946,772 bangana 71.65% by’amajwi, mu gihe uwo bari bahanganye cyane, Bobi Wine, we yatowe n'abagera kuri 2,741,238 bingana 24.72% .

Umunyapolitike utavuga rumwe n' ubutegetsi bwa Uganda, Robert Kyagulanyi, yamaganye ibyatangajwe na komisiyo y'amatora avuga ko amatora yabaye ku wa Kane yarbayemo uburiganya ndetse anahamya ko habayeho kwiba amajwi.

Robert Kyagulanyi wantangaje ko ubu yahungiye ahantu hatazwi mu rwego rwo kwirindira umutekano. Bobi wine yasabye abanya Uganda gukora imyigaragambyo mu mahoro bakamagana ibyavuye mu matora ya Perezida wa Repubulika.

Bobi Wine yavuze  kandi ko muri aya matora abatavuga rumwe na Leta 21 bapfuye, mu gihe Leta yatangaje ko abantu bapfuye ari barindwi nabo baguye mu bikorwa byo guhosha urugomo bateje ku biro by' itora.

Kugeza ubu ntacyo Leta ya Uganda, iratangaza ku birego bya Bobi wine biyishinja uburiganya mu matora y' Umukuru w'Igihugu cya Uganda.

Perezida Yoweli Kaguta Museveni, ufite imyaka 81, yagiye ku butegetsi bwa mbere mu 1986 ahiritse ubutegetsi, akaba agiye kuyobora Manda ya karindwi aho agiye kumara imyaka irenga 40 ku butegetsi.