Kinyarwanda
English
Swahili
Perezida Kagame yashyikirijwe ubutumwa bwa perezida Doumbouya wa Guinea
Kuwa 21 Ugushyingo 2025 muri Village Urugwiro, Perezida wa Repubulika y’u Rwanda, Paul Kagame, yakiriye Morissanda Kouyaté, Minisitiri w’Ububanyi n’Amahanga, Ubumwe bwa Afurika n’Abanya-Guinea baba mu mahanga, wari uzanye ubutumwa bwa Perezida Mamadi Doumbouya.
Mu biganiro byabo, Minisitiri Kouyaté yashyikirije Perezida Kagame ubutumwa bugufi buturutse kuri mugenzi we wa Guinea, bunaganirirwaho uburyo bwo kurushaho gukomeza kubaka no gushimangira umubano mwiza n’ubufatanye hagati y’ibihugu byombi.
Perezida Kagame na Minisitiri Kouyaté banaganiriye ku mishinga itandukanye y’impande zombi, irimo guteza imbere ubucuruzi, ishoramari, uburezi n’ikoranabuhanga, ndetse no gukorana mu rwego rwa dipolomasi no kurushaho gutuma ubufatanye bw’amateka hagati ya Guinea n’u Rwanda burushaho gutanga umusaruro.
Ibi biganiro byashimangiwe nk’igikorwa gikomeye mu gukomeza kwagura umubano w’ibihugu byombi no guteza imbere inyungu z’abaturage b'u Rwanda na Guinea.
