Ikipe y’igihugu ya Argentine iyo Lionel Messi adahari ihura n'ikibazo gihoraho. Kumenya uwo bazambika umwambaro wa nimero 10, ari nawo uzwi cyane kuri iyi Nimero mu ikipe y'igihugu, ntaramenyekana. Kuri iyi nshuro iyi nimero yambawe na Franco Mastantuono usanzwe akinira Real Madrid.

Nubwo afite imyaka 18 gusa, Franco Mastantuono akomeje kwandika amateka mashya mu rugendo rwe ry'umupira w'amagaru nk'umunyamwuga. Ibi byaraye bibaye mu ijoro ryacyeye ubwo Argentina yakinaga na Ecuador. Ntabwo uyu musore arakomeza kwambara iyi nimero ariko ibi bigaragaza icyizere yagiriwe cy'ejo hazaza.

Mu mukino wa mbere yakinnye na Venezuela, Mastantuono yagaragaje ubutwari. Ahantu n’umwambaro ntibyigeze bimukura umutima, yakinnye neza cyane ku kibuga cya Monumental, ateza impungenge ikipe bari bahanganye kandi agaragaza urwego rwo hejuru kugeza asimbuwe ku munota wa 63 na Nico González. Umukino we wa mbere wemewe wari mu mezi ashize ubwo yinjiye mu kibuga mu minota ya nyuma ubwo Argentina yatsindaga Chile igitego 1-0.

Mu mukino na Ecuador wabaye mu rukerera rwo kuri uyu wa Gatatu tariki 10 Nzeri 2025, umutoza yahisemo gusubizamo bamwe mu bakinnyi ashyira Mastantuono ku ntebe, ahitamo gukoresha Giuliano Simeone na Nico González basimbuye Thiago Almada n’uyu wa Real Madrid. Ariko n’ubwo bimeze bityo, kuba gusa yambaye umwambaro wa Messi mu mikino yo gushaka itike yo gukina igikombe cy'Isi, ubwabyo kuri uyu musore ni intsinzi.

Ku Ngoma y'umutoza wa Argentine, Lionel Scaloni, hari abakinnyi bahawe amahirwe yo kwambara nimero 10 Messi adahari. Ángel Correa yayambaye inshuro enye, Paulo Dybala yayambaye mu mikino ibiri yemewe, naho vuba aha Thiago Almada niwe wari umaze kugaragara nk’usimbura usanzwe.

Ubu hiyongereyeho Mastantuono, winjiye kuri urwo rutonde rw’abashobora gusimbura nimero ikomeye cyane mu mupira w’amaguru wa Argentine. Ubusore bwe, ndetse n'icyizere afite giturutse ku batoza, bimushyira mu mazina yo kwitabwaho mu rugendo rwo kwerekeza mu gikombe cy'isi.

Nubwo yaba akinnye iminota mike cyangwa myinshi, ishusho ya Franco Mastantuono yambaye nimero 10 ya Argentine ni ubutumwa bwerekana ko ejo hazaza habaye heza hakiri kare.

Lionel Messi ntabwo yagaragaye kuri uyu mukino 

Nimero 10 yaraye yambawe na Mastantuono