Kinyarwanda
English
Swahili
Ndayisenga Jean de Dieu yambitse impeta Tuyizere Clarisse (Amafoto)
Ku wa 27 Ukwakira 2025 Ndayisenga Jean de Dieu wakoze mu bitangazamakuru bitandukanye mu Rwanda yambitse impeta Tuyizere Clarisse bakaba bitegura kurushinga mu minsi iri imbere. Ni umuhango wabereye mu karere ka Musanze mu ntara y'Amajyaruguru.
Tuyizere Jean de Dieu yabwiye Ukwelitimes ko bahura bwa mbere bahuriye mu iduka ry'imyenda I Kagugu. Akimubona bwa mbere yatwawe n'ubwitonzi bwe n'uburanga.
Inkuru y'urukundo rwabo irashimishije kuyibarirwa kuko byatangiye Jean de Dieu atinya kuvugisha Clarisse.
Abyibuka nk'ibyabaye ejo! Bamenyanye ku wa 15 Nyakanga 2023. Muri iryo duka ry'imyenda Clarisse yigeze ibiri noneho Jean de Dieu wari wamubengutse arayimugurira.
Barajyanye dore ko bombi berekezaga mu gace kamwe, niko Jean de Dieu yatahanye nimero za telefoni z'umukobwa.
Yafatiyeho bakajya baganira ku buryo mu byumweru bibiri bari bemeranyije gukundana. Jean de Dieu na Clarisse bazasezerana mu mategeko ku wa 11 Ukuboza 2025 noneho ku 14 Werurwe 2026 amusabe anamukwe banasezerane imbere y'Imana.
Ndayisenga Jean de Dieu yakoze kuri Flash TV mu kiganiro cy'imyidagaduro kitwa Celebz Magazine, afite umuyoboro wa YouTube witwa Rwanda SHINE Tv ariko abifatanya n'akazi ko gutwara no kuyobora ba mukerarugendo.
