Jobe Bellingham w'imyaka 17, ukiniraga ikipe ya Sunderland FC, yatangaje ko atiteguye kwerekeza mu ikipe ya Chelsea FC kuko akiri muto cyane.

Hashize iminsi micye, hatangiye kuvugwa ko Jobe Bellingham uvukana na Jude Bellingham, yatangiye ibiganiro n'ikipe ya Chelsea FC kugirango iyi kipe yirinde ibyayibayeho ubwo yangaga gusinyisha Jude Bellingham bigatuma yerekeza mu budage.

Nkuko bitangazwa na 'The Goal', ikinyamakuru gikomeye i Burayi, kivuga ko Jobe yahakaniye ikipe ya Chelsea FC ku kuba yayerekezamo kuko akiri muto ahubwo bikunze yazayerekezamo amaze kuzuza imyaka 19 kuko ubu aracyari muto ku buryo atakikorera umutwaro wa Chelsea FC.

Ubusanzwe Jobe Bellingham, akina mu kibuga hagati ndetse ni umwe mu bakinnyi ikipe ya Sunderland FC irimo kugenderaho ubu mu cyiciro cya Kabiri mu gihugu cy'ubwongereza nubwo ataratsinda ibitego byinshi.

Jobe Bellingham yakuriye mu ikipe ya Birmingham City ari nayo mukuru we Jude Bellingham yakinnyemo bwa nyuma ahita yerekeza mu gihugu cy'ubudage muri Borussia Dortmund bigatuma ubu ari umukinnyi ukomeye Real Madrid ibura igahangayika.

   Jobe Bellingham yahakaniye Chelsea FC yamwifuzaga