Muri aba banyeshuri barushije abandi mu mashuri abanza barimo Arakaza Leo Victor wigaga muri Wisdom School mu Karere ka Musanze wabaye uwa mbere . agira amanota 99,4% na Impano Brave Gloria wiga mu Karere ka Bugesera wagize amanota 98,8% ndetse na Ihirwe Kanimba Honnette wigaga muri New Vision Primary School mu Karere ka Huye wagize 98,8%.

Aba bakurikiwe na Duhirwe Gall Gavin Darcy wigaga muri Ecole International La Racine mu Karere ka Bugesera wagize amanita 98,8%, Nsengiyumva Joannah Holiness wigaga mu Karere ka Bugesera wagize amanota 98,8% na Ashimwe Keza Gerardine wigaga mu Karere ka Bugesera wagize amanota 98,8%.

Aba bana bavuze ko umwete n’ubushake mu kwiga ari wo wabafashije kugera ku ntego zabo zo gutsinda.

Abanyeshuri barangije umwaka wa Gatandatu w’amashuri abanza, 15.695 bahawe imyanya mu mashuri yisumbuye biga babamo, mu gihe abarenga ibihumbi 150 bashyizwe mu mwaka wa mbere w’amashuri yisumbuye biga bataha.

Kuri icyo cyiciro hahembwe abanyeshuri batandatu aho kuba batanu ba mbere kuko abagera kuri batanu bose banganyije amanota angana na 98,8% bituma bahembwa ari batandatu.

Abahize abandi mu cyiciro rusange cy’amashyuri yisumbuye harimo Izere Hennock Tresor wagize 98,67% wigaga kuri E.S Kanombe yo mu Karere ka Kicukiro, Uwumuremyi Albert wagize 98,00% wize kuri Hope Haven School yo mu Karere ka Gasabo, Ineza Flora Elyse wagize 97,89% wigaga muri Hope Haven School yo mu Karere ka Gasabo. Na Ndayishimiye Jean D"Amour wagize 97,89% wize muri Haven School yo mu Karere ka Gasabo, Agaba Happy Jean Eudes wagize 97,78% wize kuri Petit Séminaire St Aloys yo mu Karere ka Rusizi.

Abo banyeshuri bahawe ibihembo birimo ibikoresho by’ishuri, mudasobwa ndetse no kwishyurirwa amashuri umwaka wose ku bazakomeza kwiga mu mashuri ya Leta cyangwa afashwa na Leta ku bw’amasezerano.