Mu ijoro ryo ku wa kane tariki 17 mata 2025, ikipe ya Manchester United yakinnye umukino wo kwishyura n’ikipe ya Olympique Lyon mu irushanwa ry’igikombe cya UEFA Europa League.

Umukino ubanza ikipe zombi zanganyije ibitego 2-2. Ni umukino wari wabereye mu gihugu cy’ubufaransa kuri Parc Olympique Lyon, tariki 10 mata 2025.

Uyu mukino wo kwishyura benshi baherezaga amahirwe ikipe ya Manchester United kuko yari iri mu rugo ariko ntabwo umukino wayoroheye nubwo yabashije kwitwara neza.

Manchester United yatangiye yitwara neza ku munota wa 10 gusa Manuel Ugarte yari yamaze gufungura amazamu ndetse Diogo Dalot ku munota wa 46 ashyiramo icya kabiri.

Mu gice cya kabiri, ikipe ya Manchester United yaje isa nk’isinziriye kuko ku munota wa 71, Corentin Toliso yaje kwishyurira Lyon igitego cya mbere ndetse na Nicolas Tagliafico yishyura igitego cya kabiri umukino urangira ari ibitego 2-2.

Ibi byatumye ikipe zijya mu minota 30 y’inyongera kuko ubwo uteranyije ibitego mu mikino yombi, ikipe zanganyije ibitego 4-4.

Mu minota 30, ikipe ya Lyon yari iri hejuru cyane kuko ku munota 104 Rayan Cherki yabonye igitego cya 3 ndetse Alexandre Lacazette atsinda ikindi ku munota wa 109 kuri Penalite.

Manchester United yaje kongera kugaruka mu mukino kuko ku munota wa 114, Bruno Fernandes yatsinze igitego cya 3, Kobbie Mainoo atsinda ikindi ku munota wa 120 ndetse Harry Maguire atsinda ikindi gitego cyahesheje intsinzi iyi kipe ku munota wa 121, umukino urangira ari ibitego 5-4.

Ikipe ya Manchester United yaje gukomeza muri 1/2 ku giteranyo cy’ibitego 7-6. Ikipe ya Manchester United izahura na Atletico Bilbao yo mu gihugu cya Esipanye, tariki 1 mata 2025.