Mu ijoro ryacyeye tariki 21 Ukwakira 2025, ku mugabane w'i Burayi hari hakomeje imikino ya UEFA Champions League, aho amakipe arimo Arsenal FC yakinaga na Atletico Madrid, FC Barcelona yakinnye na Olympiacos ndetse hakinwa n'indi mikino igiye itandukanye.

Ku isaha ya saa Kumi n'ebyiri n'iminota 45, FC Barcelona yatangiye ikina na Olympiacos FC ndetse umukino uza kurangira inyagiye iyi kipe yo mu Bugiriki. 

Uyu mukino warangiye FC Barcelona itsinze Olympiacos ibitego 6-1. Ibi bitego bya FC Barcelona byatsinzwe n'abarimo Fermin Lopez ku munota wa 7, 39, 76, Lamine Yamal ku munota wa 68 hamwe na Marcus Rashford ku munota wa 74 na 79. Igitego cya Olympiacos cyatsinzwe na Ayoub El Kaabi.

Imikino ikomeye yari itegerejwe ku isaha ya saa Tatu z'ijoro aho ikipe ya Arsenal FC yari bwakire Atletico Madrid, umukino uza kurangira Arsenal FC yitwaye neza mu mikino 13 gusa kuko ibitego 4 byose nibwo byabonetse.

Igice cya mbere cyarangiye ikipe zombi zinganyije 0-0, ariko mu gice cya Kabiri Arsenal FC yagarukanye imbaraga ndetse nyinshi bihita binayibera byiza kuko yaje gutangira kubona ibitego guhera ku munota wa 57.

Ku munota wa 57, Arsenal FC yatsinze igitego cya mbere gitsinzwe na Gabriel Magalhães, ku munota wa 64, Gabriel Martinelli atsinda icya Kabiri, ku munota wa 67 na 70, Viktor Gyökeres atsindira Arsenal FC igitego cya Gatatu ndetse n'icya Kane.

Undi mukino warebwe na benshi ni uwahuje Manchester City yatsinze Villarreal CF ibitego 2-0. Ni umukino wari ukomeye ariko Manchester City nk'ibisanzwe ikora ibintu byayo hakiri kare igatangira gucungana n'iminota. Ku munota wa 17, Erling Halaand yatsinze igitego cya mbere ndetse no ku munota wa 40, Bernaldo Silva atsinda igitego cya Kabiri.

Indi Mikino 

Kairat Almaty 0-0 Pafos FC

Bayern Leverkusen 2-7 Paris Saint-Germain 

FC Copenhagen 2-4 Borussia Dortmund 

Newcastle United 3-0 Benfica

PSV Eindhoven 6-2 Napoli 

Union St.Gilloise 0-4 Inter Milan 

Erling Halaand yaraye atsindiye Manchester City 

Fermin Lopez yatsindiye FC Barcelona ibitego 3 muri 6

Viktor Gyökeres yatsindiye Arsenal FC ibitego 2 muri 4