Kuri uyu wa mbere tariki 14 mata 2025, nibwo umukinnyi wo hagati Luka Modric yatangaje ko yashoye umutungo  mu ikipe yitwa Swansea City AFC ikina shampiyona y’icyiciro cya kabiri mu gihugu cy’ubwongereza.

Luka Modric w’imyaka 39, yaguze imigabane myinshi muri iyi kipe ku buryo azaba asa nk’uwukuriye abo bafatanyije kugura iyi kipe.

Ntabwo uyu mukinnyi wa Real Madrid yaguze imigabane wenyine kuko yafatanyije n’itsinda ry’abanyamerika ririmo Andy Coleman, Brett Cravatt, Nigel Moriss ndetse na Jason Cohen.

Luka Modric uri mu mwaka we wa nyuma mu ikipe ya Real Madrid yiyunze ku barimo Vinicius Jr uheruka kugura imibabane nawe mu ikipe ikina icyiciro cya kabiri mu gihugu cya Portugal yitwa FC Alverca.

Ntabwo Luka Modric arareka gukina umupira w'amaguru kuko arakomeza gukina umupira w'amaguru nkuko abitangaza ariko akaba yarakuze yifuza kuzashora imari mu mupira w'amaguru.