Abahagaritswe mu nshingano z'ubuyobozi ni Nyemazi John Bosco watororewe kuba Meya w'ako karere ka Kayonza mu Ugushyingo 2021. Abandi birukanwe ni Madamu Munganyinka Hope wari umuyobozi w'Akarere wungirije ushinzwe Iterambere ry'Ubukungu wari watororewe kuba visi Meya muri 2018 akongera gutorwa mu Ugushyingo 2021 . Harelimana Jean Damascene wari watororewe kuba visi Meya ushinzwe imibereho myiza y'abaturage muri Gashyantare 2016 akongera gutorerwa izo nshingano mu Ugushyingo 2021 nawe yirukanwe n'inama Njyanama.

Perezida w'Inama Njyanama y'Akarere ka Kayonza Madamu Dorina Basime Kalimba yatangarije ikigo cy'Igihigu cyIitangazamakuru RBA ko abo bayobozi birukanwe kubera imikorere itaboneye , kudahuza mu nshingano no kudatanga serivisi nziza ku baturage . Yanavuze ko abo bayobozi batakemuriraga ibibazo by'abaturage mu gihe gikwiye.